Acts 3
A Pah Teß Hat Mon To Vih Hah
1O pöh poen ne Pitaß pen Jon to nö hahah kov ee pa Iuun Hinhin Apuh pa hin pa matanpoen pa 3 kirök. 2Manuh po matan o Hopaß Ep Vamanin a ö nee to pokaß va ne o hopaß pamëh, a pah teß hat mon to teß non. E sinaneah to vahuh koman vavoh en peß nën. Pa ma poen kurus nee to teßteß ariuk ne poë nën, keß hinhin moniß non a napan varih to oho ne pa Iuun Hinhin Apuh. 3A teß pamëh to ep e Pitaß pen e Jon to oho ne ko hin vakis raoe pan, ee se heß poë ta moniß. 4Ee to kuteß rakah ne peß, ke Pitaß soe pan, “Kuteß maß möm ah.” 5Keß kuteß en na manuh pee, ko anoeh non a öt a tah nee se heß poë. 6Ke Pitaß soe ke poan pan, “Eöß a hikta moniß rakah, ivëhkëk, eöß se heß oah a tah nöß to teß me noß pa ëhnan e Ieesuß va Nasarët, eöß to taß oah, sun ah, ko nö.” 7Ke Pitaß öt pa papmatö peß, pareß kës vasun en peß. Ka varuß rakahvakomanih a ma mon me a ma ëkoß moneah, to vih, ko eh hah ee. 8Keß taßkë ko sun en, ko taneo en pa nö vavah. Ko ho vaßpeh me en pee manuh pa Iuun Hinhin Apuh to vasusurap nö non, pareß kë rakah non a ëhnan e Sosoenën. 9A napan kurus to ep in poë to nönö vah non, pareß kë rakah nö non a ëhnan Sosoenën, 10a napan to inan poë, pare nat e ne eß a teß voh vëh to hinhin moniß voh non sih, manih po sinten o Matan Hopaß Ep Vamanin in a Iuun Hinhin Apuh. Ee to töhkak ko toksean rakah e ne pa tah to vavih poan.E Pitaß To Heß A Soe Koman Iuun Hinhin Apuh
11E voe to vaket nö non pe Pitaß pen Jon, ka napan kurus toksean rakah ee, ko vaveo ee manuh pa Parantaß pe Solomon, eß o ëhnan in a ö pamëh. 12E Pitaß to ep a napan, pareß soe ke raoe pan, “Ma napan va Israël, suk ataeah, köm toksean paröm kuteß nemöm. Eöm koman nem pan, eß o kikis me a taateß vivihan koman pemöm ivaßih ka teß vëh nö vavih hah, ha? 13E Sosoenën pe Abraham, pe Aësak, me e Jekop, e Sosoenën pa kën sipuura. Eß to kë voh a teß kikiu peß e Ieesuß, eß a teß vëh nöm to rës ko heß voh eah manih pa koren e Paëlat, ke Paëlat iu vahah e non peß pa vih, ivëhkëk eß to vatet en po iu peöm pa ip vamët e Ieesuß. 14Eß a teß vivihan, pareß vih vörep nöm to heß tonun voh eah. Eöm to hin voh e Paëlat a ö neß se vanö ka neöm a teß ipip teß keß heß en peöm. 15Ivëh, köm ip voh em peß, a teß to heß non o toßtoß, ivëhkëk, e Sosoenën to vatoß hah poan këh a nap mët, kemöm ep voh em pa tah vaßih. 16Eß o kikis va pa ëhnan e Ieesuß ivëh, nemöm poß to vaman nem ivëh, to vavih hah a teß hat mon vëh. A tah vëh nöm to ep, a, ko nat nem to tanok suk o vaman pemöm poß pa ëhnan e Ieesuß.17Varuß vamanih kën kea, eöß to nat e noß eöm kurus, me a ma teß susun, me o teß ësës heß peöm to hikta nat voh ne pataeah nöm to nok voh manih pe Ieesuß. 18Moaan rakah voh ne Sosoenën to heß voh a soe manih po teß vanënën soe pan, e Kristo se teß o kamis apuh, eß ivaßih to tavus vaman en.
19Ivëh, köm se panih a ma taateß me kokoman hat peöm, ko tarih hah manih pe Sosoenën, suk a ö neß se ihan anoe a ma hat peöm. 20Eöm se keh nok va nën, o kikis voon se nö maß manih peöm to taneß maß pe Sosoenën, pareß vanö maß e Ieesuß, eß e Kristo, moaan voh neß to vateß ka neöm. 21Eß se teß non manih pa vöön va kin, to anoeh non o poen ne Sosoenën se vateß vavoon hah a ma moeh tah kurus, vamanih pa ö neß to soe vavoh manih po teß vivihan vanënën soe peß. 22E Mosës to soe voh pan,
‘E Sunön Sosoenën peöm,
se vanö maß a teß vanënën soe manih peöm,
vamanih pa ö neß to vanö vavoh ka maß neoß.
Eß a teß poaneöm.
Eöm se tënan nem a ma soe kurus neß se soe ka neöm.
23A teß to hikta tënan non a soe pa teß vanënën soe pamëh,
eß se tavus këh en po vakum teß pe Sosoenën, ko tamiröß en.’ a
24A ma teß vanënën soe vamoaan vaßpeh me e Samuël, me o teß varih to suk maß poë, ee kurus to teß me ne a soe vëh to teß non kuru.
25A soe man vëh ne Sosoenën to heß koe voh manih po teß vanënën soe. Eöm a ma teß se kon a ma soe ne Sosoenën to soe vaman voh, a ö neß se heß a ra komön o vatompoan ne Sosoenën to nok me voh a ma sipuura. Eß to soe ke voh e sipuura Abraham pan,
‘Manih pe koaß pën,
eöß se tapui a ma napan kurus varih po oeh.’ b
26E Sosoenën to vateß a teß kikiu peß e Ieesuß, pareß vanö vovoh maß poan manih pea a napan va Israël, pa vaßaus a ra pa koe a ma taateß hat.”
Copyright information for
TPZ